kultum bahasa jawa

            Assalamu’alaikum wr.wb.

Bapak/ibu guru dewan juri ingkang kawula hormati.

Lan kanca-kanca ingkang kawula tresnani

            Kaping setunggal mangga kita sareng-sareng manjataken puji syukur dumateng Gusti Allah SWT. Ingkang sampun maringi kenikmatan lan kesehatan sehingga kita saged kempal ing wekdal punika. Sholawat soho salam mugi-mugi konjuk dumateng junjungan kita Nabi Agung Muhammad SAW. ingkang sampun mbekto kita saking jaman jahiliyah datheng jaman ingkang terang benderang punika.

Teng mriki kawula badhe ngaturaken kultum ingkang judul keutamaan sinau utawi keutamaan mencari ilmu.

Sairing mlampahipun wanci, dinten nggantos minggu, wulan nggantos taun. Perkembangan menungsa kathah ngalami ewah-ewahan ingkang dipun dukung kalian kemajengan seserepan uga teknologi ingkang mutakhir sanget. Menungsa gampil sanget saget ngebaki uga mujudaken supenanipun kaliyan ngginakaken kemajengan ilmu pengetahuan.

Kanca-kanca sedaya ingkang di rahmati allah..

Sampun kita mangertosi billih wonten agami islam ilmu punika sanget migunakaken kados kasebat ing lebet Al-Qur’an Al-Mujadalah ayat 11:
“Bismillahirrahmanir rahiim. Yarfa’illaahul ladziina aamanuu mingkum walladziina uutul ‘ilma darojaat. Wallohu bimaa ta’maluuna khobiir”

“Gusti Allah badhe ngalenggahan tiyang-tiyang ingkang ngapitadosan saking siro uga tiyang ingkang dipunsukani ilmu sepinten-pinten derajat. Allah uga Maha Waspada kaliyan menapa-menapa ingkang sampeyan nyambut damelaken”.

Maksudipun : Allah badhe ngalenggahan derajat tiyang ingkang gadhah ilmu ingkang dipunsarengi keimanan datheng Allah. Bilih punika Allah majibaken konjuk madosi ilmu sewayah-wayah lan teng pundi kemawon, kasebat wonten hadist ingkang dipunriwayataken dening Ibnu Majah :

“Tholabul ‘ilmi fariidotun ‘alaa kulli muslimin”
“Madosi ilmu punika wajib kangge saben-saben muslim”

Ingkang rumaos tiyang islam wajib hukumipun kangge madosi ilmu. Kenging punapa wajib?

“Walaa taqfu maa laisa laka bihi ilmu”
“Mboten pareng panjenengan nyambut damelaken menapa-menapa ingkang mboten mangertos ilmunipun“.

Saged dibayangaken dening kanca-kanca, tuladhanipun kita sedaya mboten mangertos ilmu elektronika lajeng kita sedaya mbongkar komputer. Maksudipun manah badhe dandosi menapa ingkang kedadosan? Malah an...curr.

Hadirin lan kanca-kanca sekalian.

Punapa kemawon cita-citautawi kekajengan kita sedaya Insya Allah saged kita capai kaliyan nggadhahi ilmunipun. Tapi tetep dipunsarengi kaliyan nyambut damel teng lebet proses penyinaon kasebat. Khusus kangge kanca-kanca sebaya, mumpung kita sedaya taksih enem taksih imut-imut dereng amit-amit mangga kita sedaya madosi ilmu yaiku sinau uga sinau kajengipun mbenjing mangke saged dados tiyang ingkang berguna dening bangsa, agama, negara, lan tiyang sepuh. Aamiin..

            Cekap sementen atur kawula, mbok bilih wonten kelepatan kawula nyuwun ngapunten. Manuk kepodang wulune kuning, sing digadang-gadang bakal ketemu maning

Wabilahitaufik wal hidayah

Wassalamu’alaikum wr.wb.